الشعر الشعبي العراقي

علي الشامي الخاقاني
الثلاثاء
احبك مو لان انت حلو لا لان روحي كبل ولك التقت بيك
اذا انت تمر على الاخرس يصيح الله والاخرس اذا حاجيته يحاجيك
اذب قلبي على سهمك واني مجروح واكلك دير بالك خاف اذيك
اجرحني ولك بس كون علكيف لان انت ويه دمي واخاف ابديك
اجرحني ولك بس كون ماموت حتى من يتهمونك ابريك
على المرايه وكفت ماشفت وجهي وشفت وجهك طلعلي وكمت احاجيك
وثبت بمرايتي وجهك مرايات وتباوع وجهه مرايتي بيك
بكذلتك شد ركبتي وطلع الروح اريد انهى بعد تتقرب عليك
انت بحضني بس اعتبرك بعيد اريدن هيج كون اني انخبط بيك
بياشارع مشيت اكبالي الكاك ادور بغير شارع هم الاكيك
ارد للبيت كبل الكاك بالباب اطب كبلي تطب تكلي اتانيك
بغيرك فكرت كلت حتى انساك طلع غيرك يشبهك فكرت بيك[img][/img]